Молебен перед иконой Божией Матери "Неупиваемая Чаша"

Каждую неделю, по пятницам, в Петропавловском храме Николо-Угрешского монастыря служится молебен с акафистом перед иконой Божией Матери «Неупиваемая Чаша» об исцелении больных алкоголизмом и наркоманией.

Пьянство и алкоголизм, к которым в последние годы добавилась еще одна беда - наркотическая зависимость, тяжелой душной волной захлестнули современное общество. Болезнь людей, страдающих той или иной зависимостью, прежде всегокасается их близких. Люди, в семье которых есть больные, нуждающиеся в понимании и поддержке, должны помнить слова святителя Иоанна Златоуста: «Диавол ничего так не любит, как роскошь и пьянство, поскольку никто так не исполняет его воли, как пьяница».

 
Молитвы ко Пресвятой Богородице ради Ея иконы «Неупиваемая Чаша»

Тропарь, глас 4

Днесь притецемвернии / к Божественному и пречудному образу Пресвятыя Богоматери, / напояющейверных сердца / небесною неупиваемою чашею Своего милосердия / и людям верным чудеса показующей. / Яже мы видяще и слышаще духовно празднуем и тепле вопием: / Владычице Премилостивая, / исцели наша недуги и страсти, / моляще Сына Твоего, Христа Бога нашего, спасти души наша.

Кондак, глас 6

Бысть чрево Твое святая Трапеза, / имущая Небеснаго Хлеба, / Христа Бога нашего, / от Негоже всяк ядый не умирает, / якожерече всех, Богородительнице, Питатель.

Стихира по 50-м псалме, глас 6

Днесь Владычицы чудотворная икона прославляется, / днесь вернии на молитву пред нею отовсюду собираются, / днесь и маловерниипомыслми покаяния озаряются, / силы Небесныя о славе Пречистыя радуются, / мы же, яко Ангелом научихомся, тако вопием: / радуйся, Благодатная, Господь с Тобою, / благословена Ты в женах, / благословено Твое к нам милосердие, / благословен Плод чрева Твоего, слава Тебе.

Молитва

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея — Церкви Христовой и спасения отпадающих, братьев, и сестер, и сродник наших исцели.

О, милостивая Мати Божия, коснись сердец их и скоро возстави от падений греховных, ко спасительному воздержанию приведи их.

Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

Покрый и соблюди нас от лукаваголовления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.