Молитва о избавлении святой Угрешской обители от всякого вреда и напасти

Господи Боже спасения нашего, сотворивый землю в крепости Твоей и устроивый вселенную Премудростию Твоею, крепкая стена на Тя уповающих, утверждение на Тя надежду возлагающих, на камене веры создавый Церковь Твою, молим Тя, Всесильне, защити нас от всех враг наших, видимых же и невидимых. Место сие святое, обитель нашу, зде живущих, служащих и молящихся Тебе огради и сохрани, и от всякого вреда и напасти избави. Храмы наши неразрушимы сотвори, молитву и благочестие благодатию Твоею в сердцах наших насади, шествовати ко спасению стезею покаяния настави.

Господи Многомилостиве, Сыне Божий, храмы во имя Пречистыя Твоея Матере во обители нашей устроивый, благоволи да не оскудеет милость Ея от нас, да будет Она месту сему Стена Нерушимая и Покров необоримый, да всегда воспеваем благословенное имя Заступницы нашей, во успении Своем нас не оставляющей.

Образом святым Угодника Твоего Николая на месте сем дивное знамение сотворивый, сердце благоверного князя Димитрия согревый и победу на варвары тому даровавый, вдохни и в нас дух святой ревности к защите Твоей святыни, согрей сердца наша теплотою веры и любви, да будут чресла наши препоясаны на всякое дело благое и светильники горящи.

Трудами преподобнаго Пимена обитель сию от оскудения возставивый и яко вторую Лавру сотворивый, не попусти ей паки в разорение приити, но сотвори ю незыблему и непоколебиму во век века, да и в ней всегда прославляется и славится пречестное и великолепое имя Твое, со Безначальным Твоим Отцем, и Пресвятым, и Благим и животворящим Твоим Духом ныне и присно, и во веки веков. Аминь.

Последнее изменение Понедельник, 09 Декабрь 2019 16:06

Копают у стен Николо-Угрешского монастыря

"Тихий Ангел", документальный фильм о прп. Пимене Угрешском. Режиссер Валерий Тимощенко.

Свет Угреши

Собор Угрешских святых

По благословению Святейшего Патриарха Московского и всея Руси Кирилла 7 сентября 2012 года наместник Николо-Угрешского монастыря игумен Варфоломей совершил чин малого освящения храма, посвященного Собору Угрешских святых.

С того момента празднование Собора Угрешских святых совершается ежегодно во второе воскресенье сентября.

Suffix " clear"

Календарь





Наша Угреша

  


© Николо-Угрешский монастырь. Все права защищены.
Alekcandrina.ru | Создание и продвижение сайтов.

Яндекс.Метрика

Логин или Зарегистрироваться

Авторизация