Тропарь Собору Угрешских святых, глас 2:
Христовою любовию уязвившеся, святии, мира красная вся оставили есте и во обители Угрешстей пожисте, от земли на небо подвигами и богомыслием шествуя, Царствия Божия достигосте. Обители нашей вы есте славо и похвало: о мире мира молите и о спасении душ наших.
Кондак, глас 8:
Избранным угодником Божиим, всем святым во обители Угрешстей пожившим, от века во всем мире просиявшим и на небеси венцы славы приявшим, похвальное приносим пение. Вы же, яко имущии велие дерзновение ко Господу, от всяких нас бед свободите, да зовем вам хвалебно: Радуйтеся, святии, теплии о всем мире Богу молитвенницы.
Величание:
Величаем вас, вси святии в земли Угрешстей просиявшии, и чтим святую память вашу, вы бо молите за нас Христа Бога нашего.
