A+ A A-
Вторник, 04 Июнь 2019 07:42

Тропарь, глас 7 Во святителех дивен показался еси  ревностию по Бозе окрыляем священномучениче Гермогене.  И пастве Сибирстей путевождь во страданиях являяся  с Державнствующим узы и заключения разделяя  и страдальчески путь скончавши  на небесех мзду трудов твоих восприял еси  молися за народ наш ко Господу. Кондак, глас 4 Подвиг святительский добре свершившего и течение мученическое мужественно скончавшаго прославляем тя Священномучениче Гермогене яко предстателя тя пред Господем за страну Российскую. Величание: Величаем тя священномучениче Гермогене и чтим честная страдания твоя яже за Христа претерпел еси.

Вторник, 04 Июнь 2019 07:38

Тропарь, глас 1: Благословен еси, Христе Боже наш, иже премудры ловцы явлей, ниспослав им Духа Святаго, и теми уловлей вселенную, Человеколюбче слава Тебе. Кондак, глас 2: Егда снизшед языки слия, разделяше языки Вышний: егда же огненныя языки раздаяше, в соединение вся призва, и согласно славим Всесвятаго Духа. Величание праздника Святой Троицы: Величаем Тя, Живодавче Христе и чтим Всесвятаго Духа Твоего, Егоже от Отца послал еси Божественным учеником Твоим.

Вторник, 04 Июнь 2019 07:35

Тропарь, глас 4: Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира. Кондак, глас 6: Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя: Аз есмь с вами и никтоже на вы. Величание: Величаем Тя, Живодавче Христе, и почитаем Еже на небеса, с Пречистою Твоею плотию, Божественное Вознесение.

Вторник, 04 Июнь 2019 07:22

Тропарь святого благоверного князя Димитрия Донского, глас 3 Велика обрете в бедах тя поборника земля Русская, языки побеждающа. Якоже на Доне Мамаеву низложил еси гордыню, на подвиг сей прияв благословение преподобнаго Сергия, тако, княже Димитрие, Христу Богу молися, даровати нам велию милость. Кондак святого благоверного князя Димитрия Донского, глас 2 Подвиги твоими, святе Димитрие, страну нашу Бог сохрани, давый тебе непобедимую. И ныне, предстателю крепкий, соблюдай молитвами святыми град твой Москву невредим от всех навет вражиих.  Величание святого благоверного князя Димитрия Донского: Величаем, величаем тя, святый великий благоверный княже, Донской Димитрие, и чтим святой славный подвиг твой, яко со всею своею дружиною полчища Мамаевы разбивый и Русь Святую в вере Христовой паки утвердивый Молитва О святый угодниче Божий, праведне Димитрие! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

По святым местам

"Тихий Ангел", документальный фильм о прп. Пимене Угрешском. Режиссер Валерий Тимощенко.

Святая Угреша (док. фильм, 2009 год)

Свет Угреши

Suffix " clear"

Календарь





Наша Угреша

  


© Николо-Угрешский монастырь. Все права защищены.
Alekcandrina.ru | Создание и продвижение сайтов.

Яндекс.Метрика

Логин или Зарегистрироваться

Авторизация